Antikorrupsioni: Nuk ka konflikt të interesit në rastin “Fshati Spanjoll”

Maqedonia

Antikorrupsioni: Nuk ka konflikt të interesit në rastin “Fshati Spanjoll”

Më: 22 korrik 2021 Në ora: 12:53
Foto ilustrim

Komisioni për Parandalimin e Korrupsionit, në seancën e 50-të të sotme, përcaktoi se në rastin “Fshati Spanjoll” kundër Ilir Hasanit, Goran Filipov dhe prindërve të gruas së Ministrit aktual të Shëndetësisë Venko Filipçe, ngritur nga OBRM-PDUKM, nuk ekziston konflikt interesi.

Kryetarja e Komisionit për Antikorrupsion, Biljana Ivanovska, duke iu referuar këtij rasti, theksoi se ky rast ishte e ndarë në dy pjesë (pjesa financiare dhe pjesa për pronën). Lidhur me të parën, ajo deklaroi se ata gjetën se nuk kishte asnjë pretendim, domthënë se kishte konkurrencë dhe se kishte një ankand elektronik.

Lidhur me ngastrat, Ivanovska deklaroi se nga shqyrtimi historik i marrë nga Agjencia e Kadastrit dhe Komuna e Karposhit, ishte përcaktuar se pronat janë blerë që nga viti 2014,

“Nuk është diçka e re që po ndodh. Gjithashtu, nga inspektimi i kryer nga Komuna e Karposhit, u përcaktua që ndërtesat e mësipërme po ndërtohen sipas një leje ndërtimi të lëshuar në korrik 2017, pra para zgjedhjeve lokale. Që ndërtimi të ndërtohet në përputhje me dokumentacionin teknik të aprovuar, pra arkitekturën themelore të fazës së projektit, ndërtimin, furnizimin me ujë dhe kanalizimet. Për këto arsye, unë nuk shoh se ka ndonjë konflikt interesi siç thuhet në kërkesë. Këta janë individë privatë, jo zyrtarë në kohën kur u ble toka. Gjithçka raportohet siç duhet në pyetësorë dhe unë propozoj të gjithë procedurën për të ndaluar dhe mbyllur rastin”, tha Ivanovska./

Shfaq komentet
comments powered by Disqus
Sot mund të lexoni Shfletoni kopertinat