Nga gushti deri në shtator janë infektuar mbi 40 mijë persona me koronavirus

Maqedonia

Nga gushti deri në shtator janë infektuar mbi 40 mijë persona me koronavirus

Më: 16 tetor 2021 Në ora: 10:59
Ilustrim

Sipas të statistikave të publikuara nga Ministria e Shëndetësisë, nga 6 gushti deri pardje, në Maqedoni janë infektuar 40.208 persona me coronvirus, prej të cilëve 25% kanë qenë plotësisht të vaksinuar.

Gjatë këtyre muajve, 30.142 qytetarë, përkatësisht 74.9% e rasteve pozitive nuk kanë qenë të vaksinuar, ndërsa të vaksinuar konsiderohen personat të cilët kanë pranuar dy doza të vaksinave dhe kanë kaluar 14 ditë nga dita e aplikimit të dozës së dytë.

Përqindja e personave të hospitalizuar që nuk kanë qenë të vaksinuar është 79%, ndërsa 21% e pacientëve të hospitalizuar kanë qenë të vaksinuar.

Në periudhën nga 6 gushti, në Maqedoni kanë humbur jetën 1.382 pacientë me coronvirus. Prej tyre , 83% nuk kanë qenë të vaksinuar, ndërsa 17 të tjerë kanë qenë të vaksinuar.

Deri dje janë vaksinuar 797.988 qytetarë, ndërsa 758.001 persona janë vaksinuar. Dozën e tretë e kanë pranuar 1.039 persona.

Ndryshe, në Maqedoni janë diagnostifikuar gjithsej 196.346 persona, ndërsa prej tyre 182.782 janë shëruar dhe 6.907 qytetarë kanë humbur jetën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat