Deputeti Trajanov: Me shumë mundësi do të ketë zgjedhje të reja

Maqedonia

Deputeti Trajanov: Me shumë mundësi do të ketë zgjedhje të reja

Më: 5 nëntor 2021 Në ora: 23:00
Pavle Trajanov

Kryetari i Lidhjes Demokratike, (LD) Pavle Trajanov, ka thënë se shumica e re parlamentare është hyrje në zgjedhjet e parakohshme parlamentare.

Ai tha se me 61 ose 62 deputetët e shumicës së re, Kuvendi nuk do të jetë stabil dhe pritet të ketë zgjedhje të reja.

“Me 61 deputetë apo 62 sa jemi tani, Kuvendi nuk do të jetë stabil, nuk do të mund të mbështesë projektet e propozuara nga Qeveria dhe supozoj se do të jenë hyrje në zgjedhjet e parakohshme parlamentare. Nëse votohet mosbesimi i Qeverisë, presidenti do të kërkojë se kush ka shumicë që ta ndajë mandatin, pastaj duhet ta ndajë mandatin”

“Mendoj se ky proces do të zgjasë deri dy muaj dhe mundësitë më të mëdha janë që të ketë zgjedhje të reja, se sa qeveri të re me shumicë të re”, tha mes tjerash Trajanov.

Ai shtoi se shtetin e pret periudhë e vështirë, kur dihet se në dhjetor pritet që të merret vendim për nisjen e negociatave me BE-në.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat