Mbrëmja e 8 shtatorit ishte e kobshme për qytetarët e Tetovës dhe për shqiptarët në përgjithësi në Maqedoninë e Veriut.
14 persona humbën jetën derisa 12 të tjerë u lënduan pasi që në spitalin modular ku trajtoheshin të sëmurët me Corona, shpërtheu një zjarr i fuqishëm.
Ende pa u shëruar ajo plagë, shqiptarët e Maqedonisë së Veriut u tronditën përsëri në mëngjesin e 23 nëntorit.
46 persona humbën jetën derisa shtatë të tjerë janë lënduar pasi që autobusi ku po udhëtonin nga Stambolli në Shkup pësoi një aksident dhe më pas u përfshi nga flaka.
Në dy tragjedi të ndryshme humbën jetën 60 persona derisa 19 të tjerë pësuan lëndime nga më të ndryshmet.