Shantazhet 23-vjeçari/ “Nëse nuk paguan, do të publikohet videoja eksplicite në rrjete sociale”

Maqedonia

Shantazhet 23-vjeçari/ “Nëse nuk paguan, do të publikohet videoja eksplicite në rrjete sociale”

Më: 7 dhjetor 2021 Në ora: 16:54
Ilustrim

Sektori për Punë të Brendshme njofton se ka parashtruar padi kundër një të riu nga Tetova, pasi i njëjti ka kërcënuar një djalë 23-vjeçar me publikimin e një video eksplicite.

26-vjeçari në këmbim të mos-publikimit të videos ka kërkuar mjete financiare.

“SPB Tetovë ka ngritur kallëzim penal kundër B.Sh.(26) nga Tetova, për shkak se i njëjti dyshohet për kryerjen e veprave penale “fajde” dhe “shantazh”.

Në shtator të vitit 2021, i pandehuri ka shantazhuar një 23-vjeçar nga Tetova, duke i thënë se nëse nuk i jep 15.000 denarë, i njëjti do të publikojë përmbajtje komprometuese në rrjetin social.

I dëmtuari i ka dhënë vetëm 100 euro dhe në tetor të vitit 2021 i pandehuri sërish i ka kërkuar të holla, duke e rritur shumën për 20.000 denarë të tjera, i dëmtuari më pas e ka paraqitur rastin në SPB Tetovë”, thuhet në njoftimin e SPB-Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat