Kandidati për kryetar të LSDM-së, Jovan Despotovski i bën thirrje anëtarësisë dhe qytetarëve që të propozojnë bartësit e ardhshëm të funksioneve në parti, por edhe në shtet.
“Është koha që bashkërisht ta krijojmë ekipin e ri të LSDM-së. I bëj thirrje anëtarëve të LSDM-së, por edhe qytetarëve që të japin propozime se kush duhet të jetë nënkryetar, sekretar i Përgjithshëm dhe nënkryetar në parti. Çfarë cilësi, çfarë karakteri dhe biografi duhet të kenë ata. LSDM-së i nevojiten kuadro të ndershme dhe të suksesshme”, tha Despotvoski.
Ai theksoi se njëra nga themelet e Konceptit 28 është besnikëria ndaj njerëzve dhe jo ndaj liderit.
Kujtojmë se përveç Despotovskit, në garë për kryetar të LSDM-së është edhe Dimitar Kovaçevski dhe Frosina Remenski.
