SHBA kërkojnë që Maqedonia e Veriut dhe Shqipëria të mos ndahen për fillimin e negociatave me BE-në

Maqedonia

SHBA kërkojnë që Maqedonia e Veriut dhe Shqipëria të mos ndahen për fillimin e negociatave me BE-në

Më: 11 dhjetor 2021 Në ora: 15:11
Foto ilustrim

Shtetet e Bashkuara i kanë bërë thirrje Bashkimit Evropian që të caktojë një datë për fillimin e negociatave si për Maqedoninë e Veriut ashtu edhe për Shqipërinë, pa i ndarë ato.

“Si Shqipëria dhe Maqedonia e Veriut kanë marrë vendime të vështira, reforma themelore dhe të dyja meritojnë të ecin përpara në rrugën e tyre drejt BE-së”, tha Departamenti i Shtetit për Zërin e Amerikës.

Qëndrimi i Uashingtonit vjen pasi qeveria e përkohshme në Bullgari tha se Shqipëria ishte gati të fillonte negociatat, por jo Maqedonia e Veriut dhe do t’i përmbahej bllokadës së kuadrit negociator në mbledhjen e Këshillit të Çështjeve të Përgjithshme në 14 dhjetor.

Ndërkohë, Franca, e cila merr presidencën e BE-së nga 1 janari për gjashtë muajt e ardhshëm, ka shpallur një angazhim më të madh ndaj Ballkanit Perëndimor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat