Të martën në Sofje mbahet mbledhja qeveritare mes RMV-së dhe Bullgarisë

Maqedonia

Të martën në Sofje mbahet mbledhja qeveritare mes RMV-së dhe Bullgarisë

Më: 22 janar 2022 Në ora: 19:30
Foto ilustrim

Edhe Bullgaria i ka formuar grupet e punës për bashkëpunim me Maqedoninë e Veriut të cilat duhet ta përshpejtojnë procesin e përafrimit dhe zgjidhjes së çështjeve të hapura mes të dyja vendeve.

Këtë vendim, Qeveria bullgare e solli pasi dje Qeveria jonë i përcaktoi grupet e punës të cilat do të udhëhiqen nga zëvendëskryeministra dhe ministra të dikastereve përkatëse. Kjo ndodh vetëm disa ditë para seancës së përbashkët qeveritare të RMV-së dhe Bullgarisë, e cila do të mbahet më 25 janar në Sofje.

Kryeministri i Maqedonisë, Dimitar Kovaçevski tha se pret që këto grupe pune t’i afrojnë të dyja vendet. Gjithsej do të jenë 5 grupe ndërqeveritare edhe atë: për ekonomi, tregti dhe inovacione, për infrastrukturë, transport dhe lidhje, për bashkëpunim evropian, tranzicion të gjelbër, transformim digjital dhe sundim të së drejtës.

Grupi i katërt do të punojë në sferën e kulturës, shkencës, arsimit dhe të rinjve, kurse grupi i pestë do të merret me çështje historike, nuk do të jetë ndërqeveritar, por do të vazhdojë të udhëhiqet nga Komisioni i përzier historik maqedono-bullgar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat