Franca: Gjërat mes Bullgarisë dhe Maqedonisë së Veriut po fillojnë të normalizohen

Maqedonia

Franca: Gjërat mes Bullgarisë dhe Maqedonisë së Veriut po fillojnë të normalizohen

Më: 26 janar 2022 Në ora: 14:10
Ilustrim

Takimi i kryeministrave të Bullgarisë dhe Maqedonisë së Veriut Kiril Petkov dhe Dimitar Kovaçevski në Sofje shkaktoi reagime nga politikanët ndërkombëtarë dhe mediat.

Ministri i Jashtëm francez, Jean-Yves Le Drian, i Komitetit të Punëve të Jashtme të Parlamentit Evropian, i përshkroi marrëdhëniet mes dy vendeve sikur janë duke u qetësuar pak nga pak.

“Me sa di unë, gjërat kanë filluar të qetësohen pak nga pak. Vizita e kryeministrit të ri bullgar në Shkup ndihmon për të zhbllokuar, deklaratat janë në drejtimin e duhur. Shpresoj se iniciativa e nisur do të gjejë një shprehje konkrete që të mund të thërrasim një konferencë ndërqeveritare nën presidencën tonë ose më së voni nën presidencën çeke. Por rrjedha e ngjarjeve deri më tani duket e mirë”, tha Drian.

Sipas “Euronews”, shpresat për lidhje më të ngushta midis dy qeverive të reja po rinovohen.

Mediat raportuan për pritjen e Petkovit në Kovaçevski të hënën në sheshin Aleksandar Nevski, ku dy krerët e qeverive vendosën kurora me lule në Monumentin e Ushtarit të Panjohur dhe në Monumentin e vëllezërve të shenjtë Kiril dhe Metodi.

“Në vetëm një javë, kjo është ngjarja e dytë e rëndësishme për përmirësimin e marrëdhënieve midis Bullgarisë dhe Republikës së Maqedonisë së Veriut. Kryeministrat ranë dakord të rrisin përpjekjet për të përmirësuar lidhjet gjatë vizitës së Petkov në Shkup në 18 janar”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat