E majta e Maqedonisë do të parashtrojë Propozim-ligjin për pagë minimale të propozuar nga LSM

Maqedonia

E majta e Maqedonisë do të parashtrojë Propozim-ligjin për pagë minimale të propozuar nga LSM

Më: 27 janar 2022 Në ora: 20:01
Foto ilustrim

Në konferencë për shtyp, deputeti nga radhët e partisë E majta, Borisllav Krmov tha se partia e tij do të parashtrojë Propozim-ligj për ndryshim të Ligjit për pagë minimale që u propozua nga Lidhja e Sindikatave të Maqedonisë në muajin dhjetor.

“Bëhet fjalë për Propozim-ligj për ndryshime të Ligjit për pagë minimale që u propozua nga LSM”, tha Krmov.

Ai shtoi se edhe pse LSM-së i është premtuar se do të miratohet ligji në janar, ai ende nuk është miratuar.

“Qëllimi i këtij ligji është që paga minimale nga 15 mijë denarë të rritet në 18 mijë denarë, që do të ishte rreth 60% të pagës momentale mesatare”, tha Krmov.

Ai shtoi se shporta e një familje kushton 35 mijë denarë dhe se një familje 4 anëtarëshe me dy paga minimale nuk mund t’ia dalin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat