Nedellkov: Nëse nuk pranohet kërkesa për mësim online, përgjegjësia bie mbi autoritetet

Maqedonia

Nedellkov: Nëse nuk pranohet kërkesa për mësim online, përgjegjësia bie mbi autoritetet

Më: 28 janar 2022 Në ora: 12:24
Jakim Nedellkov

Kryetari i Sindikatës për Arsim, Shkencë dhe Kulturë, Jakim Nedellkov për “Utrinski Brifing” sërish kritikon masën me hapjen e dritareve nëpër shkolla gjatë orëve të mësimit në temperatura nën zero.

“Ne kemi përgjegjësi të përbashkët për situata të tilla, pavarësisht nëse është pandemi, ekziston Ligji për Sigurinë dhe Shëndetin në Punë. Punëdhënësi duhet të sigurojë kushtet e punës.

Në temperatura të tilla minus është absolutisht e papranueshme, është çnjerëzore dhe kundër ligjit të punosh në temperaturë nën 18 gradë.

Mësuesit duhet të dinë ligjet e tyre për të mbrojtur veten, por edhe nxënësit e tyre. Për këtë arsye mësimdhënësit janë këtu për të ushtruar të drejtat e tyre”, tha kreu i SASHK-ut.

Nedellkov përsëriti qëndrimin e djeshëm se sindikata pret të rishqyrtojë vendimin për fillimin e mësimit në gjysmën e dytë të vitit më 1 shkurt dhe kërkoi të paktën dy javë për të ndjekur mësimet online.

“Nëse kjo nuk bëhet, përgjegjësia është absolutisht e autoriteteve”, shtoi Nedellkov

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat