Maqedoni: Caktohet seanca për shfuqizimin e “Qeverisë së Përzhinos”

Maqedonia

Maqedoni: Caktohet seanca për shfuqizimin e “Qeverisë së Përzhinos”

Më: 28 janar 2022 Në ora: 17:12
Foto ilustrim

Për më 10 shkurt 2022 është caktuar seanca plenare e 62-të me radhë ku në rend dite është edhe Ligji për ndryshimin e ligjit për Qeveri.

Ndryshimet e këtij ligji kanë të bëjnë me shfuqizimin e Qeverisë teknike e cila doli nga Marrëveshja e Përzhinës, ndryshime këto që kërkohen nga partia opozitare maqedonase OBRM-PDUKM.

Kujtojmë se në seancë plenare të fundit deputetët opozitarë kritikuan kryeparlamentarin Talat Xhaferi se pse nuk e kishte futur në rend dite edhe këtë Ligj, ai tha se ende përkthehet nga shërbimet.

Xhaferi gjithashtu kërkoi që për këto ndryshime duhet të ketë konsensus nga të gjitha partitë. Ndërkohë këto të fundit kanë shprehur gatishmëri për të hequr “Qeverinë e Përzhinos”, e cila sipas ligjit aktual, formohet 100 para zgjedhjeve kuvendare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat