Bujar Osmani në takim me ministrin serb, diskutojnë për pikën kufitare Llojan – Miratoc

Maqedonia

Bujar Osmani në takim me ministrin serb, diskutojnë për pikën kufitare Llojan – Miratoc

Më: 25 shkurt 2022 Në ora: 19:17
Pamje nga vendi i ngjarjes

Ministri i Punëve të Jashtme Bujar Osmani së bashku me homologun e tij nga Serbia Nikolla Selakoiviq, në kuadër të aktiviteteve ditore realizuan vizitë në lokacionin ku është paraparë të hapet pika e përbashkët kufitare mes dy vendeve, Llojan- Miratoc.

Ky projekt i cili është i rëndësishëm për banorët e kësaj ane, do të lehtësojë lëvizjen, komunikimin dhe zhvillimin rajonal.

Ky kalim kufitar do të shkurtojë udhëtimin e banorëve nga të dyja anët e kufirit të cilët edhe krahas afërsisë territoriale, aktualisht janë të detyruar të udhëtojnë dhjetëra kilometra deri tek pikat kufitare ekzistuese kufitare për të arrit tek të afërmit e tyre në anën tjetër të kufirit.

Marrëveshja për hapjen e kalimit kufitar Llojan – Miratoc është nënshkruar në dhjetor të vitit 2019, dhe tani në vijim e sipër janë harmonizimi i Protokollit për mënyrën e kryerjes së kontrolleve kufitare në kalimin e përbashkët kufitar, pas çka do të vijojnë aktivitetet e hapjes së kësaj pike kufitare.

Dy Ministrat shprehën gatishmërinë e tyre për angazhim intenziv të dy vendeve me qëllim të realizimit sa më të shpejtë të këtij projekti që reflekton frymën e iniciativës Ballkani i Hapur, për komunikim më të lehtësuar mes popujve.

commentFirst article
Sot mund të lexoni Shfletoni kopertinat