Albert Musliu në emisionin “24 Analiza” tha se i gjithë këtë proces e financojnë qytetarët dhe duhet të merret vendim si shoqëri.
“Duhet të marrim një vendim si shoqëri. Pyetja është se ku është defekti. Pagat duhet të rriten, por ne duhet të vendosim si shoqëri. Çerdhet janë pak të nxituara sepse ndikon në procesin e punës dhe duhet negociuar.
Nëse do të financohet arsimi, do të përjashtojmë disa para nga bujqësia, sigurimet shoqërore, ekonomia dhe do t’i investojmë në arsim ose do të marrim hua.
Ne shohim politikë dhe këto ditë të gjithë po e politizojnë situatën. Problemi më i madh ishte në shkollat fillore dhe të mesme. Unë do të negocioja një rritje pagash duke ruajtur strukturat e sistemit arsimor”, tha Misliu.
