Aksioni ekologjik për pastrimin e Vodno-s, Arsovska: Ta mbajmë natyrën të pastër

Maqedonia

Aksioni ekologjik për pastrimin e Vodno-s, Arsovska: Ta mbajmë natyrën të pastër

Më: 6 maj 2022 Në ora: 14:01
Danela Arsovska

Për më tepër se 200 vullnetarë nga qyteti i Shkupit, si dhe ndërmarrjet publike të Qytetit, “Pivara Shkup”, “Pakomak”, “Men & Mountain” dhe ambasadat e SHBA-së, Zvicrës, Britanisë së Madhe dhe Holandës sot u bashkuan në aksionin për pastrimin e vendeve rekreative, shtigjeve dhe parkingjeve në Vodno, aksion ky i cili u emërua si aksioni më i madh ekologjik për pastrimin e “mushkërive” të Shkupit.

Veçantia e këtij aksioni ekologjik është se në çdo 10 kilogram mbetje të grumbulluara do të mbillet një pemë.

“Dua të falënderoj të gjithë partnerët që ndihmojnë në realizimin e kësaj iniciative fantastike. Para së gjithash, këtu janë përfaqësuesit e sektorit privat që iniciuan këtë nismë dhe me të cilët do të arrijmë që Vodno të jetë një vend më i pastër dhe më i bukur për shkupjanët. Gjithashtu dua të falënderoj përfaqësuesit e misioneve diplomatike dhe të gjithë ata që u përfshinë në mënyrë aktive në aktivitetet e sotme. Aksioni i sotëm është me të vërtetë i veçantë sepse në të marrin pjesë 100 vullnetarë nga sektori privat dhe organizatat që janë përfshirë në mënyrë aktive në këtë projekt, por edhe 100 vullnetarë nga Qyteti i Shkupit, nga shkollat ​​e mesme të qytetit të Shkupit, nga ndërmarrjet komunale dhe vullnetarë që vijnë nga komunat e Gazi Babës dhe Kisela Vodës, të cilat përmes ndërmarrjeve të tyre publike kontribuojnë në pastrimin e Vodnos në interes të të gjithë qytetarëve – tha kryetarja e Qytetit të Shkupit, Danela Arsovska.

Ajo u bëri thirrje qytetarëve që të kontribuojnë për natyrën e pastër pa mbetje të cilat duhet të grumbullohen në mënyrë adekuate, të deponohen dhe riciklohen. Është e domosdoshme, theksoi Arsovska, të ngrihet ndërgjegjësimi i qytetarëve se kjo natyrë është mburoja natyrore e qytetit të Shkupit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat