Takim joformal i ministrave të jashtëm të NATO-s, merr pjesë edhe Maqedonia e Veriut

Maqedonia

Takim joformal i ministrave të jashtëm të NATO-s, merr pjesë edhe Maqedonia e Veriut

Më: 14 maj 2022 Në ora: 11:20
Foto ilustrim

Ministri i Punëve të Jashtme i RMV-së, Bujar Osmani, do të merr pjesë në takimin joformal të Ministrave të Jashtëm të NATO-s, i cili do të mbahet nga 14 deri më 15 maj në Berlin.

Bisedimet do të fokusohen në invazionin ushtarak rus të Ukrainës, implikimet e mundshme nga lufta mbi aleatët, rreziqet e sigurisë, si dhe në pozicionimin e ardhshëm mbrojtës të NATO-s. Gjithashtu në takim do të flitet edhe për Samitin e ardhshëm të liderëve në Madrid.

Në takim janë të ftuar edhe Ministrat e Jashtëm të Finlandës dhe Suedisë, të cilët do të informojnë për zhvillimet e fundit, përfitimet dhe implikimet në lidhje me anëtarësimin e mundshëm të ardhshëm të këtyre dy vendeve në Aleancë.

Në margjinat e takimit, ministri Osmani pritet të ketë takime bilaterale me Ministrin e Punëve të Jashtëm të Ukrainës, Dmitro Kuleba dhe MPJ e Malit të Zi, Ranko Krivokapiq, si dhe me homologë të tjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat