Scholz konfirmon se anëtarësimi i Maqedonisë së Veriut në BE është interes strategjik i Brukselit

Maqedonia

Scholz konfirmon se anëtarësimi i Maqedonisë së Veriut në BE është interes strategjik i Brukselit

Më: 19 maj 2022 Në ora: 18:30
Kancelari gjerman Olaf Scholz

Gjashtë vende të Ballkanit Perëndimor me aspirata për BE, Serbia, Mali i Zi, Shqipëria, Maqedonia e Veriut, Bosnja dhe Hercegovina dhe Kosova, janë tashmë në një proces reformash shumëvjeçare, tha kancelari gjerman Olaf Scholz para deputetëve në Berlin.

Ai tha se “sot më shumë se kurrë integrimi i tyre në BE është në interesin strategjik të Brukselit, duke theksuar, sipas Reuters, ndikimin e fuqive të huaja në rajon, përfshirë Rusinë”.

Scholz njoftoi sot se do të udhëtojë në Ballkanin Perëndimor, para takimit të Këshillit Evropian të planifikuar për muajin e ardhshëm, në mënyrë që t’i përcjellë mesazhin rajonit se ka vend në Bashkimin Evropian, shkruan Reuters.

“Përmbushja e detyrimeve tona ndaj tyre nuk është vetëm një çështje e besueshmërisë sonë”, tha Scholz.

Pushtimi rus i Ukrainës më 24 shkurt ka ngritur frikën se konflikti mund të përhapet në Ballkanin Perëndimor. Megjithatë, liderët e BE-së ende nuk bien dakord për anëtarësimin e Ballkanit Perëndimor në BE.

Presidenti francez Emmanuel Macron, i cili aktualisht kundërshton zgjerimin e BE-së, së fundmi propozoi formimin e një komuniteti të ri politik në Evropë, i cili do të përfshinte Ukrainën dhe Ballkanin Perëndimor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat