OBRM-PDUKM akuzon partitë në pushtet LSDM dhe BDI se po manipulojnë me përqindjen e inflacionit, ku thonë se inflacioni real është shumë i lartë.
“Qeveria e LSDM-së dhe BDI-së i shfrytëzon statistikat si kompensim për gjendjen katastrofike me inflacionin. Ndërsa produktet dhe nevojat bazë të qytetarëve rriten deri në 100%, ata llogaritin normën e inflacionit vetëm 10%.
Kjo është e paturpshme. Norma reale e inflacionit është shumë më e lartë nëse kemi parasysh se ajo që shpenzojnë më shumë qytetarët për buxhetet familjare është shumë më e shtrenjtë me mbi 10%.
Në pak muaj buka është 100% më e shtrenjtë, karburantet janë gjithashtu gati dy herë më e shtrenjtë, sheqeri është rritur me 57% vetëm nga prilli, qumështi është 15% më i shtrenjtë se vitin e kaluar, vaji i gatimit vetëm nga fillimi i vitit është më i shtrenjtë për 70%, mielli për një vit është më i shtrenjtë për 55%, kurse energjia elektrike për 30%.
Qeveria manipulon përqindjen e inflacionit real duke futur në përllogaritje produkte që qytetarët një herë në vit ose nuk i blejnë kurrë”, akuzojnë nga OBRM-PDUKM.
