MPJ e Bullgarisë: Do të miratojmë konferencën e parë me Shkupin pasi të nënshkruhet protokolli bilateral

Maqedonia

MPJ e Bullgarisë: Do të miratojmë konferencën e parë me Shkupin pasi të nënshkruhet protokolli bilateral

Më: 24 qershor 2022 Në ora: 20:16
Foto ilustrim

“Bullgaria është e gatshme të miratojë konferencën e parë ndërqeveritare për Maqedoninë e Veriut me BE-në, menjëherë pas nënshkrimit të protokollit dypalësh”.

Kështu thonë nga Ministria për Punë të Jashtme e Bullgarisë, në lidhje me veton ndaj Maqedonisë së Veriut. Nga MPJ bullgare theksojnë se “Bullgaria nuk ka shtuar asnjë kërkesë të re për RMV-në”.

“Kuvendi sot miratoi vendim për mbështetjen e vendeve të Ballkanit Perëndimor në BE. Ne nuk kemi shtuar asnjë kërkesë të re për Shkupin dhe jemi të gatshëm që të miratojmë konferencën e parë ndërqeveritare sapo miqtë tanë nga Maqedonia e Veriut të nënshkruajnë protokollin, siç u diskutua nga ministrat e jashtëm”, thonë nga MPJ bullgare.

Ndërsa ministri i Maqedonisë së Veriut për Punë të Jashtme, Bujar Osmani, tha sot se është e papranueshme që protokolli me Bullgarinë të hyjë në kornizën negociuese, sepse do të përdoret për presion shtesë nga Bullgaria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat