Kaevski: Mickoski dhe OBRM-PDUKM kanë gënjyer paturpësisht se do të bullgarizohej shteti

Maqedonia

Kaevski: Mickoski dhe OBRM-PDUKM kanë gënjyer paturpësisht se do të bullgarizohej shteti

Më: 26 qershor 2022 Në ora: 18:06
Darko Kaevski

Qeveria e udhëhequr nga LSDM është e përkushtuar në mbrojtjen e interesave shtetërore dhe kombëtare. Në zgjidhjen e çështjeve me Bullgarinë, për gjuhën maqedonase, për identitetin maqedonas, për historinë dhe veçantinë maqedonase, do të ketë dhe nuk do të ketë negociata, theksoi zëdhënësi i LSDM-së dhe deputeti, Darko Kaevski.

Kaevski në konferencën për media shtoi se i gjithë opinioni vendor dhe ndërkombëtar është dëshmitar i veprimeve destruktive të OBRM-PDUKM-së dhe Hristijan Mickoskit.

Deputeti sqaron se Mickoski dhe OBRM-PDUKM kanë intensifikuar lajmet e rreme dhe veprimet destruktive.

“Mickoski dhe OBRM-PDUKM gënjyen paturpësisht se do të fshihet gjuha maqedonase, se populli do të asimilohet dhe shteti do të bullgarizohet. Është një sjellje e turpshme, e papërgjegjshme dhe e papranueshme e Mickoskit dhe OBRM-PDUKM-së, e cila dëmton pozitat shtetërore dhe interesat kombëtare. Mickoski dhe OBRM-PDUKM duhet të tregojnë përgjegjësi dhe të mos punojnë për interesat e të tjerëve”, ka kërkuar Kaevski nga partia më e madhe opozitare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat