PTHP Strumicë: Mësuesi 40 vjeçar dyshohet se abuzoi seksualisht me një të mitur

Maqedonia

PTHP Strumicë: Mësuesi 40 vjeçar dyshohet se abuzoi seksualisht me një të mitur

Më: 28 qershor 2022 Në ora: 21:17
Foto ilustrim

Prokuroria Themelore Publike në Strumicë ka lëshuar urdhër për zhvillimin e hetimeve ndaj 40 vjeçarit me profesion mësues, i dyshuar për veprën penale “Sulm seksual”, ndaj një fëmije nën 14 vjeç, ku në bazë të nenit 188, paragrafi 1 i Kodit Penal, ai mund të dënohet me burgim për të paktën 12 vite.

I dyshuari, mësimdhënës në një shkollë fillore në Strumicë, në periudhën nga tetori i vitit 2020 deri në maj të vitit 2022, përmes rrjetit social i ka dërguar mesazhe me përmbajtje eksplicite seksuale një nxënësi që akoma si ka mbushur 14 vjet.

Duke përfituar nga fakti se kanë mbetur disa herë vetëm në palestrën e shkollës, ai ka kryer dy herë akte seksuale, duke prekur dhe puthur viktimën në fjalë.

Prokurori publik kompetent i ka dorëzuar gjyqtarit të procedurës paraprake nga Gjykata Themelore në Strumicë propozim për caktimin e masës së paraburgimit, sepse ekziston rreziku që mësuesi i cili është nën hetime të ikë, të ndikojë mbi dëshmitarët ose ta përsërisë veprën penale.

Gjyqtari e pranoi propozimin dhe të dyshuarit i caktoi masën e paraburgimit prej 30 ditësh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat