Osmani: Dokumentet e publikuara në disa media nuk janë propozimi final francez

Maqedonia

Osmani: Dokumentet e publikuara në disa media nuk janë propozimi final francez

Më: 30 qershor 2022 Në ora: 19:24
Bujar Osmani

Ministri i Punëve të Jashtme, Bujar Osmani, ka bërë të ditur në rrjetet sociale se disa dokumente që kanë dalë në media nuk janë propozimi final nga Franca.

Ai kërkoi durim dhe mirëkuptim nga ana e qytetarëve lidhur me informacionin për propozimin e ri francez.

“Duke pasur parasysh ndjeshmërinë e momentit, dua të theksoj se dokumentet e publikuara në disa media nuk janë propozimi përfundimtar që Presidenca franceze ndau sot me Qeverinë përmes Ministrisë së Jashtme. Kemi mirëkuptim të plotë nga publiku për nevojën për t’u njohur me përmbajtjen e propozimit, por në të njëjtën kohë do të kërkojmë një durim të shkurtër që konsultimet të kalojnë nëpër institucione dhe propozimi të paraqitet siç duhet. Siç është premtuar, ne po fillojmë një proces të konsultimit të gjerë dhe propozimi autentik do t’i dorëzohet plotësisht publikut për inspektim”, ka shkruar Osmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat