Osmani – Gençovska, sot pritet të finalizohet teksti i Protokollit për historinë

Maqedonia

Osmani – Gençovska, sot pritet të finalizohet teksti i Protokollit për historinë

Më: 4 korrik 2022 Në ora: 19:12
Foto nga takimi

Ministritë e Punëve të Jashtme të Maqedonisë së Veriut dhe Bullgarisë, sot pritet ta finalizojnë tekstin e Protokollit dypalësh, dokument që të dyja vendet ende nuk e kanë nënshkruar.

Ministri Bujar Osmani, tha se do të zhvillojë një takim online me kolegen e tij bullgare Teodora Gençovska, për ta saktësuar tekstin në pjesën për ndryshimet kushtetuese.

Ky Protokoll, i cili përcakton zbatimin e Marrëveshjes së Fqinjësisë së Mirë të vitit 2017, nuk është përfshirë në kornizën e negociatave, por mbulon çështjet e historisë, gjuhën e urrejtjes dhe rehabilitimin e viktimave të komunizmit.

Osmani bëri të ditur se Protokolli do të nënshkruhet në seancën e Komisionit Ndërqeveritar me Bullgarinë në të njëjtën ditë, kur Brukseli do të miratojë kornizën negociuese për vendin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat