Dimitrievski protestuesve: Policët që po i gjuani na mbrojtën në vitin 2001 dhe në rastin “Lagjja e Trimave”

Maqedonia

Dimitrievski protestuesve: Policët që po i gjuani na mbrojtën në vitin 2001 dhe në rastin “Lagjja e Trimave”

Më: 6 korrik 2022 Në ora: 16:10
Maksim Dimitrievski

I pari i Kumanovës, Maksim Dimitrievski, nëpërmjet një shkrimi në Facebook, ka bërë thirrje protestuesve të OBRM-PDUKM-së dhe Të Majtës, që të mos ngrenë dorë mbi Policinë, teksa ka përmendur dhe konfliktin e vitit 2001 dhe ngjarjet e Lagjes së Trimave të vitit 2015.

Ai ka thënë se janë po ato uniforma të cilat kanë mbrojtur vendin në ato vite.

Dimitrievski ka rënë në kundërshtim me fjalët e veta, duke bërë po ashtu thirrje që të mos ketë gjuhë të urrejtjes dhe fyerje etnike, të cilën e bëri vetë nëpërmjet këtij shkrimi.

“Mos ngrini dorë, mos i gjuani Policët, nuk është faji i tyre, ata janë të njëjtin njerëz që kanë mbrojtur vendin në vitin 2001, në Lagjen e Trimave të Kumanovës dhe nëse duhet do ta mbrojnë përsëri. Fajtor janë ata që udhëheqin dhe me politika të gabueshme rrënuan Maqedoninë tonë dhe e shkombëtarizuan”, shkroi ndër të tjera ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat