Rastet me Covid-19 në Maqedoni shënojnë ulje, vendi mbetet zonë stabile

Maqedonia

Rastet me Covid-19 në Maqedoni shënojnë ulje, vendi mbetet zonë stabile

Më: 8 gusht 2022 Në ora: 08:54
Foto ilustrim

Ka rënie të rasteve të reja të infektimeve me Covid-19 në baza javore në shumicën e vendeve evropiane, përfshirë Maqedoninë me 23 për qind më pak raste krahasuar me shtatëditorin e kaluar.

Komisioni i Sëmundjeve Infektive ka mbajtur një mbledhje javën e kaluar, në të cilën është konstatuar se vendi është në fazën e përhapjes së transmetimit me kapacitete adekuate reagimi dhe në kushte të tilla nuk ka nevojë për masa të reja për Covid-in.

Komisioni bëri apel për sjellje të përgjegjshme dhe respektim të masave aktuale.

“Rekomandimi mbetet për të gjithë qytetarët, e veçanërisht për qytetarët që i përkasin grupeve të rrezikut për ecuri më të rëndë të sëmundjes, t’u përmbahen të gjitha masave të konfirmuara epidemiologjike për mbrojtjen nga infeksioni, si larja e shpeshtë dhe e plotë ose dezinfektimi i duarve, shmangia turma dhe qëndrimi në dhoma të mbyllura dhe mbajtja e maskave mbrojtëse, si dhe respektimi i rekomandimeve për vaksinimin kundër Covid-19″, apeloi Komisioni.

Aktualisht, sipas të dhënave të Institutit të Shëndetit Publik, janë 4218 raste aktive me koronavirus.

Numri më i madh janë nga Shkupi – 1700, ndërsa në Dojran, Demir Kapi, Dellçevë, Makedonska Kamenicë dhe Makedonski Brod ka numër njëshifror të rasteve aktive.

Pehçeva është i vetmi vend pa raste aktive.

Autoritetet shëndetësore në vend dhe në botë, megjithatë tregojnë për vigjilencë për shkak të përkeqësimit të mundshëm të situatës epidemiologjike në vjeshtë.

Në Maqedoni, numri i përgjithshëm i personave të diagnostikuar me Covid-19 që nga fillimi i epidemisë është 330.755, numri i të shëruarve është 317.149, ndërsa numri i të vdekurve është 9.388.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat