Ministria e Shëndetësisë në Maqedoni: Nuk ka asnjë rast të konfirmuar me “linë e majmunëve”

Maqedonia

Ministria e Shëndetësisë në Maqedoni: Nuk ka asnjë rast të konfirmuar me “linë e majmunëve”

Më: 10 gusht 2022 Në ora: 12:03
Foto ilustrim

Ministria e Shëndetësisë në Maqedoninë e Veriut ka dalë me kumtesë në lidhje me pacientin që dyshohet se është infektuar me “Linë e majmunit”.

Nga ministria thonë se nuk ka pacientë të hospitalizuar që dyshohet për këtë sëmundje.

Sa i përket pacientit të përmendur në media, sipas informacioneve nga spitali i Kërçovës, bëhet fjalë për një pacient të dyshuar i cili është në gjendje të mirë shëndetësore dhe me rezultate të duhura laboratorike, i cili është rekomanduar për testim”.

Aktualisht është duke u organizuar një ekip epidemiologjik për të kryer një anketë epidemiologjike. Deri më tani, në Institutin e Shëndetit Publik nuk është dorëzuar asnjë material testues dhe nuk ka asnjë rast të konfirmuar me linë e majmunëve në vend”, thuhet në kumtesën e Ministrisë së Shëndetësisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat