LSDM: Rritja e re e pensioneve u bë sipas metodologjisë së re, në bashkëpunim me shoqatat e pensionistëve

Maqedonia

LSDM: Rritja e re e pensioneve u bë sipas metodologjisë së re, në bashkëpunim me shoqatat e pensionistëve

Më: 30 shtator 2022 Në ora: 12:30
Foto ilustrim

Partia në pushtet LSDM përmes një komunikate për media ka treguar se pensionistët nga ky muaj marrin pensione më të larta për 6.8 përqind.

Ata potencojnë se këtë masë e përfitojnë mbi 300 mijë pensionistë në mbarë vendin.

“Shqetësimi për qytetarët dhe politikat e Qeverisë së udhëhequr nga LSDM-ja kanë sjellë rritje rekord të pensioneve. Rreth 330,000 pensionistë morën një pension shtatori që ishte më i lartë për 6.8 përqind. Në shifra absolute, pensioni mesatar është rritur për 1.074 denarë dhe sot arrin në 17.422 denarë ose afër 300 euro. Kjo rritje rekord e pensioneve vjen si pasojë e metodologjisë së re që Qeveria e miratoi së bashku me shoqatat e pensionistëve në mars të këtij viti. LSDM, përmes Qeverisë dhe shumicës parlamentare që e udhëheq, vazhdon me shqetësim real për të gjitha kategoritë e qytetarëve”, thuhet në komunikatë.

Ndryshe, kujtojmë se shpërndarja e pensioneve të muajit shtator ka filluar nga dita e djeshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat