Pendarovski – Von der Leyen: Pritet ndihma nga KE në përballjen me krizën energjetike

Maqedonia

Pendarovski – Von der Leyen: Pritet ndihma nga KE në përballjen me krizën energjetike

Më: 1 tetor 2022 Në ora: 12:17
Foto nga takimi

Kriza aktuale energjetike dhe rrjedha e procesit të shqyrtimit, si një fazë e rëndësishme në negociatat për anëtarësim të vendit në Bashkimin Evropian, ishin temat kryesore të takimit të sotëm të kreut të shtetit Stevo Pendarovski me kryetaren e KE-së, Ursula von der Leyen në Sofje.

Siç njoftuan nga Kabineti i Presdinetit, Pendarovski shprehu pritjen e tij për ndihmë nga Komisioni Evropian në kuadër të solidaritetit evropian në përballjen me krizën energjetike.

Lidhur me negociatat për anëtarësim, Pendarovski theksoi se vendi është i gatshëm të bëjë reformat e nevojshme në fushat kyçe, si pjesë e procesit për anëtarësim në BE.

Sot në Sofje, Pendarovski dhe Von der Leyen marrin pjesë në ceremoninë me rastin e fillimit të punës komerciale të interkonjektorit të gazit Greqi – Bullgari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat