Halili: Nuk është koha për zgjedhje të parakohshme parlamentare, as për koalicion të zgjeruar

Maqedonia

Halili: Nuk është koha për zgjedhje të parakohshme parlamentare, as për koalicion të zgjeruar

Më: 4 tetor 2022 Në ora: 11:53
Muhamed Halili

Nuk është koha për zgjedhje të parakohshme parlamentare, as për koalicion të gjerë qeveritar, konsideron analisti politik Muhamed Halili, duke komentuar propozimin e deputetit dhe liderit të Lidhjes Demokratike, Pavle Trajanov, për koalicion të gjerë qeveritar.

“Është e padiskutueshme që vendi është në krizë ekonomike dhe menaxheriale, ashtu siç e gjithë bota është në krizë ekonomike, financiare dhe energjetike. Për momentin, nuk e shoh zgjidhjen as në zgjedhjet e parakohshme parlamentare dhe as në një koalicion të gjerë qeveritar. Koalicioni i gjerë do të krijojë dy tabaora në të njëjtën qeveri dhe më pas do të krijohet një qeveri jofunksionale dhe institucione të bllokuara qeveritare”, tha Halili për “Lokalno”.

Deputeti dhe lideri i LD-së, Pavle Trajanov, propozoi një koalicion të gjerë qeveritar.

Ai beson se kjo mënyrë mund të ndihmojë në zgjidhjen e krizës dhe përballimin më të mirë të sfidave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat