Ahmeti: Zgjedhjet nuk janë zgjidhje në këtë situatë

Maqedonia

Ahmeti: Zgjedhjet nuk janë zgjidhje në këtë situatë

Më: 28 nëntor 2022 Në ora: 16:39
Ali Ahmeti

Kryetari i BDI-së Ali Ahmeti edhe njëherë ka ripërsëritur qëndrimin e tij se zgjedhjet e parakohshme për të cilat këmbëngul opozita nuk janë zgjidhje për këtë situatë në të cilën gjendet vendi.

“Mendoj që zgjedhjet nuk janë zgjidhje në këtë situatë, mendoj që para nesh ka detyra shumë më të rëndësishme, ne kemi filluar skriningun dhe duhet të vazhdohet bisedimet për integrimin në BE, në këtë proces nuk duhet të ketë unitet etnik dhe ndëretnik sepse bëhet fjalë për ardhmërinë e shtetit dhe gjeneratave të reja dhe të gjithë duhet të investojmë në këtë ardhmëri”, deklaroi Ali Ahmeti, kryetar i BDI-së.

Ndërkohë i pyetur për zgjerimin e Koalicionit qeveritarë me përfshirjen edhe të ASH-së, Ahmeti me përgjigje:

“E para kjo nuk ka të bëj me interesat e ngushta partiake, thjesht ka të bëjë me unifikimin e faktorit politik të përcaktuar për proceset evropiane. Zoti Kovaçevski është në bisedime me kreun e Aleancës, akoma nuk është biseduar për detaje, me rëndësi që palët kanë shpreh vullnet për një proces që do unifikim dhe koordinim.

Nuk është biseduar për ministritë, këto detaje nuk janë biseduar”, tha Ali Ahmeti, kryetar i BDI-së, pas Akademisë solemne me rastin e 28 Nëntorit.

“Është ditë e shënuar, një ditë ku përkujtohen të gjithë ata që kanë kontribuar dhe derdhur gjakun për këtë flamur dhe shqiptarët gjithandej sot festojnë dhe të gjitha takimet që bëhen janë në përurim të kësaj dite për të gjithë njerëzit”, u shpreh Ahmeti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat