Kryetari i Ohrit: Do ta dekorojmë qytetin pavarësisht vendimeve të qeverisë

Maqedonia

Kryetari i Ohrit: Do ta dekorojmë qytetin pavarësisht vendimeve të qeverisë

Më: 29 nëntor 2022 Në ora: 18:36
Foto ilustrim

Kriza energjetike ka rënduar punën e komunave. Kur po afrohen festat e fundvitit nuk dihet ende se çfarë vendimi do të sillet për dekorimet e qyteteve. Por një gjë është e sigurt se Ohri do të dekorohet pavarësisht vendimeve të qeverisë, tha Kirill Pecakov kryetar i kësaj komune.

“Po plani është të dekorohet, Ohri është vend turistik, qytet turistik”, deklaroi Kirill Pecakov-kryetar i Komunës Së Ohrit.

Ai tha se Ohri nuk është si çdo qytet tjetër, por është qendër turistike dhe nuk do ta respektojë vendimin e qeverisë nëse ndalon dekorimet .

“Po e përsëris, Ohri është qendër turistike dhe shpresoj që vendimet e tyre që i sjellin sot për në mbrëmje dhe të lidhura me krizën energjetike duhet të fillojnë ata t’i respektojnë, por sërish do të them Ohri është qendër turistike të cilin do ta vizitojnë një numër i madh turistësh dhe gjithsesi nuk do të duroj”- tha deklaroi Kirill Pecakov-Kryetar i Komunës Së Ohrit.

Por a do ta bëjë të njëjtën gjë edhe Ramiz Merko, kryetar i Komunës së Strugës, pasi që edhe Struga është qytet turistik.

“Dekorimi i qytetit do të realizohet me dekore të viteve të mëparshme dhe me një buxhet më modest (i cili do të votohet në seancën e radhës së këshillit komunal).
Do të dekorohet pjesa qendrore e qytetit duke përfshirë edhe urën kryesore të Drinit të Zi”- thanë nga Komuna e Strugës.

Kujtojmë se viteve të fundit shumë komuna kanë hequr dorë nga zbukurimet e qyteteve për festat e fundvitit me qëllim që ato mjete tua dedikojnë familjeve të rrezikuara sociale. Ndërsa tani për tani për shkak të krizës energjetike nuk është sjellë ende një vendim nëse do tu lejohet komunave të zbukurojnë qytetet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat