Ministrja e Mbrojtjes, Sllavjanka Petrovska ka demantuar deklaratat e OBRM-PDUKM-së se gjoja në Kosovë janë arrestuar zyrtarë të inteligjencës ushtarake të Maqedonisë së Veriut.
Petrovska për TV21 tha se deklaratat e deputetit të OBRM-PDUKM-së, Dragan Kovaçki, janë keqdashëse.
“Krejtësisht e pasaktë, e pavërtetë dhe fatkeqësisht keqdashëse. Njësitë organizative në Ministrinë e Mbrojtjes dhe më Armatë janë në mbështetje të plotë të pjesëtarëve të Ushtrisë të angazhuar në operacionet ndërkombëtare të paqes.
Nuk është hera e parë që ky deputet, ish-pjesëtarë i Armatës të shfaq të pavërteta dhe gënjeshtra dhe të sulmon ish-kolegët e tij”, tha ministrja e Mbrojtjes, Sllavjanka Petrovska për TV21.
