Kryetari i OBRM-PDUKM-së, Hristijan Mickoski në takimin e sotëm me Ministren e Punëve të Jashtme të Republikës Federale të Gjermanisë, Anelina Berbok, tha se “nuk do të ketë ndryshime kushtetuese nën diktimin bullgar dhe se kjo përbërje parlamentare nuk ka mandat të marrë nga qytetarët për të marrë pjesë në një proces i tillë”.
Siç njoftojnë nga OBRM-PDUKM, takimi Mickoski-Berbok u zhvillua në ambientet e rezidencës gjermane në vend, ku morën pjesë nënkryetarët e partisë, Aleksandar Nikolloski, Gordana Koçoska Dimitrievska dhe Timço Mutsunski, si dhe Antonio Milloshoski.
“OBRM-PDUKM nuk do të angazhohet në një proces të tillë të imponuar nga qeveria, e cila e sheh atë si një mënyrë për të blerë kohë dhe amnisti për krimet që kryhen çdo ditë.Duhen reforma reale dhe progres në rrugën drejt BE-së, jo përkushtim deklarativ siç po bën qeveria”, theksoi Mickoski në takimin me Berbokun.
