Në Kuvend sot pasdite, për shkak të mungesës së përfaqësuesve për disa nga pikat e rendit të ditës, është ndërprerë seanca e 71-të, në të cilën paraprakisht është miratuar propozim ligji për ndryshimin dhe plotësimin e Ligjit për Sigurim pensional dhe invalidor, me procedurë të shkurtuar.
Propozim ligji i referohet harmonizimit të pagave të punonjësve të Fondit për sigurim pensional dhe invalidor me pagën minimale dhe duhet të zbatohet nga marsi i këtij viti.
Deputetja Angelinka Petkova nga OBRM-PDUKM tha në fjalimin e saj tha se si grup parlamentar do ta mbështesin këtë zgjidhje ligjore me qëllim të lehtësimit dhe përmirësimit të standardit jetësor të këtij grupi të qytetarëve, por theksoi se rritja është minimale.
Deputeti Zdravko Trajanov nga OBRM-PDUKM tha se kjo zgjidhje ligjore do të harmonizojë Ligjin për pagën minimale dhe Ligjin për administratën. Por siç tha ai, ky harmonozim do të jetë vetëm në fushën e shërbimit profesional në Fondin për sigurim pensional dhe invalidor.
Më konkretisht, shtoi ai, po ndryshohet metodologjia e përllogaritjes së pagave, shtohet paga minimale si kategori dhe bëhet rregullimi i kushtëzuar i pikëve.
Ai theksoi se punëtorët e kategorisë B dhe C të punësuar në PIOM nuk do të ndjejnë asnjë ndryshim në paga, ndërsa vetëm punëtorët e kategorisë G do të kenë një përfitim të vogël.
Sipas Zhaklina Lazarevska nga LSDM, kjo zgjidhje ligjore ka për qëllim përmirësimin e kushteve të jetesës së qytetarëve.
Në seancën e sotme, deputetët kanë shqyrtuar Raportin Vjetor për punën e Komisionit Shtetëror për Parandalimin e Korrupsionit për vitin 2021. Deputetët e opozitës vlerësuan se shqyrtimi i këtij raporti është i vonuar dhe theksuan se vendi ka një nivel të lartë të korrupsionit, që sipas tyre është pengesë për zhvillimin demokratik.
Lidhur me pikën e pestë të rendit të ditës – Interpelancën për punën e kryetares së Komisionit për sistem politik dhe marrëdhënie ndërmjet bashkësive, Sonja Mirakovska, kryetari i Kuvendit, Talat Xhaferi, tha se nuk ka kushte për hapjen e saj.
“Duhet të përcaktohet dita e hapjes së seancës dhe në të njëjtën ditë të përfundojë interpelanca”, sqaroi Xhaferi.
Në fund të seancës u shqyrtua edhe Propozim ligji për ndryshimin dhe plotësimin e Ligjit për infrastrukturën nacionale të të dhënave hapësinore të Republikës së Maqedonisë, i cili u konstatua se është i pranueshëm dhe mund të jepet në lexim të dytë, ndërsa votimi do të bëhet shtesë.
Për raportin vjetor për punën e Agjencisë operativo-teknike për vitin 2021 dhe Raportin vjetor për punën e Radiotelevizionit publik të Maqedonisë për vitin 2021, deputetët nuk janë regjistruar për të folur, kështu që kërkimi në këto pika përfunduan me një kalim të thjeshtë.
Pas shterimit të pikave të lartpërmendura, Kuvendi e ndërpreu seancën për shkak të mungesës së përfaqësuesve për pikat e mbetura të rendit të ditës dhe njoftoi se do të japin informacione shtesë për vazhdimin e seancës.
