Bekteshi: Së shpejti do të fillojë ndërtimi i fabrikës për prodhimin e veturave elektrike në Tetovë

Maqedonia

Bekteshi: Së shpejti do të fillojë ndërtimi i fabrikës për prodhimin e veturave elektrike në Tetovë

Më: 30 maj 2023 Në ora: 08:41
Ministri i Ekonomisë, Kreshnik Bekteshi

Ministri i Ekonomisë, Kreshnik Bekteshi, i ftuar në Click Plus në TV21, tha se ndërtimi i fabrikës së veturave elektrike “e-GO” do të fillojë shumë shpejt.

Ai tha se ata kanë një afat 2 vjeçar për të filluar ndërtimin e fabrikës nga momenti që është firmosur kontrata, dhe sipas tij, momentalisht veçse është nënshkruar kontrata mes “e-GO dhe kontraktorin që do të ndërtojë këtë fabrikë.

“Është nënshkruar kontrata mes e-GO dhe atij që do ta ndërtojë fabrikën ku për një kohë shumë të shkurtër do të fillojë ndërtimi. E-GO është një fabrikë serioze mbas së cilës qëndron një grup serioz dhe në bazohemi me marrëveshje të nënshkruara.

Punët nga ana jonë si Qeveri janë kryer në afat rekord. Ata kanë pasur afat, në kuadër të marrëveshjes, brenda 2 vjetësh të fillojnë punimet. Tani kemi informacione se është nënshkruar kontrata për ndërtimin e fabrikës”, tha Bekteshi.

commentFirst article
Sot mund të lexoni Shfletoni kopertinat