Komisioni i Prokurorisë Publike ka bërë një mbikëqyrje të jashtëzakonshme mbi punën e Prokurorisë Themelore Publike Strugë dhe Prokurorisë së Lartë Publike Manastir, me çka ka shqyrtuar 30 lëndë të regjistruara për kryetarin e Strugës Ramiz Merko, të dyshuara për vepra penale. Prokuroria Themelore e Strugës procedon 4 lëndë kundër, ndërsa procedohet edhe mbi dy procedura para hetimore të filluara nga viti 2021 të cilat ndërlidhen me projektet konkrete në Komunën e Strugës.
Prokuroria për krim të organizuar është duke punuar në 5 lëndë e në mesin e tyre është edhe blerja e veturave për Komunën e Strugës.
“Prokuroria për ndjekjen e krimit të organizuar dhe korrupsionit është duke punuar në 5 lëndë. Në mesin e tyre është edhe lënda me procedurën kontestuese të prokurimit të automobilave në Komunën e Strugës, ndërsa më procedurë janë përfshirë Anti-korrupsioni dhe Enti Shtetëror për Revizion”.- thanë nga Prokuroria Publike.
Ministri i drejtësisë Krenar Lloga për “TV21” tha se Ramiz Merko dhe të gjitha ata që do të gjenden në listën e zezë amerikane, është mirë të reflektojnë dhe të marrin pasojat politike.
“Është e vërtetë se ai ka një mandat i cili vazhdon, por është e vërtetë se nga ana morale është humbur kredibiliteti i ushtrimit të detyrës të Strugës. Unë mendoj që Merko dhe të gjitha ata që do të gjenden në këtë listë, është mirë të reflektojnë dhe të marrin pasojat politike dhe institucionale si rrjedhojë e saj. Më e pakta do të ishte që ata nga pozita e qytetarit të lirë të dëshomnin se janë të pafajshëm”, deklaroi Krenar Lloga – Ministër i Drejtësisë.
Kontrollet e Prokurorisë Publike vijnë pasi DASH vendosi Ramiz Merkon dhe familjen e tij në listën e zezë amerikane.
