Kryetari i Këshillit Gjyqësor, Sashko Georgiev, kërkon nga ministri i Financave, Fatmir Besimi, rritjen e pagave të administratorëve dhe zyrtarëve të gjykatave. Për këtë pjesë ai thotë se ka problem me pavarësinë financiare të gjyqësorit.
“Për të gjithë periudhën kemi disa takime të sindikatave me të cilat po mundohemi të gjejmë zgjidhje. Gjithçka varet nga Ministria e Financave se ku duhet t’i paguajnë këto fonde si shtesa pagash. Në disa raste, Këshilli Gjyqësor ka bërë përpjekje me vendime të veta për konvertimin e pasurisë, me qëllim që ta amortizojë atë pjesë dhe të veprojë me diçka ngushëlluese”, tha Georgiev.
Jemi duke punuar dhe i bëj thirrje ministrit të jetë mirëkuptues dhe të gjejë mënyrën për ta kapërcyer problemin, në të kundërtën, thekson Kryetari i Këshillit Gjyqësor, do të ketë një bllokadë të drejtësisë dhe do të bllokohet plotësisht.
“Pa këtë administratë gjyqësore çdo gjë do të bllokohet. Ata janë një mjet dhe asgjë nuk funksionon pa to. Pres mirëkuptim nga ministri i financave”, theksoi Georgiev.
Nëse kërkesat e administratës gjyqësore nuk plotësohen brenda afatit ligjor për dialog, atëherë ata kanë kërcënuar se do të organizojnë grevë të përgjithshme.
