Prokuroria Themelore Publike në Veles ka lëshuar urdhër për zhvillimin e procedurës hetimore ndaj dy banorëve të Velesit të cilët dyshohen se kanë kryer veprën penale “grabitje”.
Siç njoftojnë nga Prokuroria Publike, të dyshuarit e moshës 26 dhe 32 vjeç, mëngjesin e 23 dhjetorit kanë hyrë së bashku në një bastore sportive me maska mbrojtëse në fytyrë. Punonjësit i është hequr me forcë celulari nga dora dhe i është marrë.
“I kërkuan para duke e kërcënuar se do ta vrisnin. Ata filluan të kërkojnë nëpër bastore, ku gjetën dhe morën 12 kupona pagese nga automatët me vlerë gjithsej 13.219 denarë, si dhe të gjitha monedhat e vogla që gjetën në sirtarë”, thonë nga Prokuroria.
Pas propozimit të prokurorit publik, gjyqtari i procedurës paraprake nga Gjykata Themelore në Veles, për dy të dyshuarit caktoi masën e paraburgimit prej 30 ditësh, duke vlerësuar se ekziston rreziku i arratisjes dhe mundësia e përsëritjes së veprës penale.
