Sot pritet të nisë seanca kundër Merkos.
Mbrojtja e kryetarit të Komunës së Strugës, Ramis Merko, sot në Gjykatën Themelore në Strugë duhet të japë fjalën e saj përfundimtare lidhur me katër rastet e bashkuara që po ngrihen kundër tij.
Rastet janë për emërimin e paligjshëm të drejtorëve në shkollat fillore “Goce Delçev” në Podgorci (dy raste), “Murat Labunishti” në Labunishtë dhe “Ashim Agushi” në Radolishtë.
Gjykatësi Jordan Jovanov informoi në seancën e fundit se duke pasur parasysh se këto janë katër raste të bashkuara në një, mbrojtja ka kërkuar kohë shtesë për të përgatitur argumentet përfundimtare.
