Gjykata e Apelit e dënoi përsëri Vasil Jovanovin me tre vjet e dhjetë muaj burg për posedim dhe trafikim të narkotikëve

Maqedonia

Gjykata e Apelit e dënoi përsëri Vasil Jovanovin me tre vjet e dhjetë muaj burg për posedim dhe trafikim të narkotikëve

Më: 16 korrik 2025 Në ora: 12:49
Foto ilustrim

Gjykata e Apelit në Shkup e hodhi poshtë si të pabazuar ankesën e të akuzuarit Vasil Jovanov dhe e dënoi përsëri me një dënim të vetëm me burg prej tre vjetësh e dhjetë muajsh për veprën penale “prodhim dhe shpërndarje e paautorizuar e drogave narkotike, substancave psikotrope dhe prekursorëve” pasi Gjykata e Lartë në maj të këtij viti e rrëzoi vendimin e mëparshëm të shkallës së dytë dhe e ktheu çështjen për rigjykim.

Vendimi, siç raportohet nga Gjykata e Apelit, u mor në një seancë publike të mbajtur më 11 qershor 2025, duke vepruar në çështjen penale KZ-481/25.

Në shkurt të këtij viti, poashtu Gjykata e Apelit në Shkup e hodhi poshtë ankesën e Vasil Jovanovit për veprën penale të mëparshme si të pabazuar, dhe e miratoi ankesën e Prokurorisë Themelore Publike në Shkup dhe e ndryshoi vendimin në lidhje me sanksionin penal – masën e shqiptuar institucionale të dërgimit në një qendër korrektuese dhe dënimin e tij me dënim të vetëm me burg prej tre vjetësh e dhjetë muajsh, por më 7 maj, Gjykata e Lartë e rrëzoi vendimin prej 3 vjetësh e 10 muajsh burg në procedurën e shkallës së dytë dhe e ktheu çështjen për rigjykim.

comment Për komente lëvizni më poshtë
Sot mund të lexoni Shfletoni kopertinat