Kandidati i koalicionit VLEN Haqim Ramadani ka humbur garën për Bërvenicë, pas përfundimit të numërimit të votave në të gjitha vendvotimet e kësaj komune, raporton KosovaPress.
Haqim Ramadani kishte 4 mijë e 217 vota ose 50.22 për qind, kur Komisioni Shtetëror i Zgjedhjeve kishte numëruar 23 nga gjithsej 24 vendvotimet në Bërvenicë.
Pas numërimit të edhe të vendvotimit të 24-të, erdhi deri te përmbysja dhe fitorja e kandidatit nga koalicioni Maqedonia Jote, udhëhequr nga VMRO-DPMNE, Jovica Ilievski me 4.369 vota ose 47.71 për qind.
Në vendvotimin e 24-të Haqim Ramadani mori vetëm 7 vota ose gjithsej 4.224 vota ose 46.12 për qind.
Jovica Ilievski fitoi gjithsej 145 vota më shumë se Haqim Ramadani.