Këngëtarja Katy Perry është bërë nënë prej shumë pak kohësh dhe ka qënë një nga ato personazhe shumë realist pas lindjes. Trupi i saj dhe paraqitja janë ato të një nënë të re e cila ka shumë gjëra për të bërë njëkohësisht.
Së fundmi si pjesëtare e jurisë së “American Idol” ajo ka treguar dhe një nga “sakrificat” që duhet të bëjë për faktin se është nënë.
Pas performancës se konkurrentes Cassandra Coleman me këngën “Apologize”, Katy u shpreh:
"Zëri yt është një eksperiencë shpirtërore. Me pak fjalë është engjëllor. Dhe si një nënë e re, unë nuk kam shumë kohë dhe kam hequr dorë nga depilimi. Por kur ti këndove, qimet në këmbë m’u ngritën përpjetë një inç e gjysmë. Më është rrëqethur gjithë trupi. Ishe e mrekullueshme”.
Nuk ka mjaftuar me kaq, për t’i vërtetuar fjalët e saj, anëtarët e tjerë të jurisë i kërkuan këngëtares të tregonte këmbët. Kështu, Katy ngjiti këmbën mbi tavolinë dhe i kërkoi Luke Bryan që të afrohej dhe ta shikonte.
“Ka vërtetë qime në këmbë”, u shpreh Bryant. “Faleminderit për raportin mjeko-ligjor”, ja pasoi moderatori i spektaklit me shaka.