Julia Roberts, ylli i dashur i kinematografisë, rrëmbeu vëmendjen në tapetin e kuq të Los Angeles-it gjatë premierës së filmit të saj më të ri, After the Hunt.
Aktorja 57-vjeçare u shfaq me një fustan elegant ngjyrë rozë, duke sjellë një kombinim perfekt të thjeshtësisë dhe hijeshisë që e karakterizon prej dekadash.
Stili i Roberts ishte një homazh ndaj titullit të filmit të saj të famshëm Pretty Woman, por këtë herë ajo ishte “pretty in pink”, duke i dhënë një energji të re dhe freski tapetit të kuq. Me flokët e kapura lehtë dhe një grim të butë, ajo dëshmoi se klasi nuk ka moshë.
Përveç pamjes mbresëlënëse, Julia Roberts u prit me entuziazëm nga fansat dhe gazetarët, ndërsa ndau disa fjalë për përvojën e saj gjatë xhirimeve të After the Hunt, një dramë tronditëse që po cilësohet si një nga rolet më të fuqishme të saj në vitet e fundit.
Duke u shfaqur me një vetëbesim të natyrshëm dhe një buzëqeshje që nuk shuhet kurrë, Julia dëshmoi edhe një herë pse mbetet një ikonë e padiskutueshme e Hollivudit.
