Paris Hilton nuk i mbajti dot duart larg bashkëshortit të saj, Carter Reum, teksa u shfaqën së bashku në edicionin e 68-të të ndarjes së çmimeve Grammy, të mbajtur të dielën mbrëma në Los Anxhelos.
Socialitja 44-vjeçare u afrua plot dashuri pranë Reum, me të cilin ka dy fëmijë, gjatë ecjes në tapetin e kuq përpara arenës Crypto.com.
Për ceremoninë, Hilton mahniti me një fustan të zi me rruaza, pa supe, i cili theksonte linjat e saj elegante dhe siluetën prej modeleje. Veshja me detaje rrjete kishte një pjesë korseti që i shtrëngonte edhe më shumë belin e saj tashmë të hollë.
Ajo e kompletoi pamjen me doreza kadifeje të zeza, një varëse qafe choker me gurë të ndritshëm dhe syze firmato. Flokët bionde, deri në supe, i kishte stiluar në onde të lirshme dhe glamuroze për këtë ngjarje vjetore, e cila nderon arritjet më të fundit dhe më të mëdha të industrisë muzikore.
