Interi nuk ka arritur ta shfrytëzojë dështimin e Milanit.
Përderisa kuqezinjtë u mposhtën nga Atalanta në “San Siro”, Interi luajti baras pa gola në udhëtim te Udinese.
Pas ndeshjes, trajneri i zikaltërve, Antonio Conte, që edhe u përjashtua me të kuq, tha se ai dhe skuadra e tij duhet të mendojnë vetëm për vete, e jo për Milanin.
“Nuk isha i kënaqur me vendimet e gjyqtarëve në lojën shtesë. Ai më ndëshkoi me të kuq. Duhej ta respektoja atë vendim, ani pse nuk më pëlqenin. Gjithsesi, nuk ia dolëm të fitonim. Sa i përket dështimit të Milanit, është diçka që nuk mendoj shumë. Ne duhet të shikojmë vetëm ndeshjet tona”, tha ndër të tjera Conte.
