Legjenda e Chelsea: Mbappe është më i mirë se Ronaldo dhe Messi
Kylian Mbappe mbrëmë bëri një super paraqitje në fitoren e Paris Saint-Germain 4 me 1 ndaj Barcelonës në UEFA Champions League.
Sulmuesi francez realizoi hat-trick në këtë përballje midis ‘Camp Nou’.
Në BT Sport, ish-lojtari i Chelseat, Joe Cole tha se lojtari më i mirë në Botë është Kylian Mbappe – duke e renditur francezin edhe para Messit dhe Cristiano Ronaldos.
"Mbappe është futbollisti më i mirë në botë për momentin. Impakti që ka në këtë skuadër. Vrapimi i tij fantastik. Lojtari më i mirë sipas opinionit tim. Ndoshta Ronaldo është ende, megjithatë nëse doni lojtar të ri dhe me këtë potencial, shkoni merreni Mbappen", ka thënë Cole.
Ish-lojtari i Kombëtares së Anglisë thotë po ashtu se sulmuesi francez do të arrij në nivelin e njëjtë që kishte Messi dhe Ronaldo.