Klopp - i shqetësuar

Futboll

Klopp - i shqetësuar

Më: 26 nëntor 2021 Në ora: 18:05
Klopp - i shqetësuar

Jurgen Klopp ka lavdëruar Manchester United për zgjedhjen e Ralf Rangnick në krye të skuadrës, duke e quajtur këtë të fundit “një trajner të organizuar dhe me eksperiencë”.

Për Klopp, që është ndikuar në stilin e trajnimit nga Rangnick, ardhja e gjermanit në Angli “nuk është një lajm i mirë” për klubet e tjera të Premier Ligës.

“Për fat të keq një trajner i mirë po vjen në Angli, tek Manchester United. Ai është një trajner me eksperiencë që ngriti dy klube nga asgjëja. Manchesteri do të jetë i organizuar në fushë dhe ky nuk është një lajm i mirë për skuadrat e tjera”, ka thënë trajneri i Liverpoolit.

Rangnick ka arritur një marrëveshje 6-mujore me “djajtë e kuq”, për të drejtuar skuadrën deri në fund të sezonit. Më pas ai do të firmosë një kontratë 2-vjeçare si këshilltar në “Old Trafford”, pasi Manchesteri kërkon të zgjedhë një tjetër trajner, për një projekt afatgjatë për të zëvendësuar Ole Gunnar Solskjaer. / Oversport.tv.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat