Paçarada flet për gazetën e madhe gjermane, tregon a do të kthehet ajo në Kombëtaren e Kosovës

Futboll

Paçarada flet për gazetën e madhe gjermane, tregon a do të kthehet ajo në Kombëtaren e Kosovës

Më: 8 dhjetor 2021 Në ora: 13:09
Paçarada flet për gazetën e madhe gjermane, tregon a do të kthehet ajo në Kombëtaren e Kosovës

Leart Paçarada nuk ka luajtur qe një kohë në Kombëtaren e Kosovës.

Mbrojtësi i majtë kishte vendosur vetë të qëndrojnë larg “Dardanëve” derisa në krye të tyre do të ishte trajneri Bernard Challandes.

Tash, zvicerani u largua nga Verdhekaltrit dhe Kosova është në kërkim të trajnerit të ri.

Dhe, 27 vjeçari tash thotë se është i gatshëm të rikthehet në Kombëtare.

“Nën drejtimin e trajnerit të vjetër, kishim ardhur në përfundim që nuk kishte më sens të isha pjesë e ekipit në atë mënyrë. Trajneri nuk është më. Dhe, tash do të shikojmë përpara”, deklaroi Paçarada për mediumin gjerman “Bild”.

Ai zbulon se e ka vuajtur shumë mungesën në ekipin kombëtar të Kosovës.

“Të luash për vendin tënd është diçka mjaft speciale. Kam qenë gjithmonë atje në vitet e fundit, i ulur para televizorit me një dhimbje në zemër”, shtoi Paçarada, i cili ishte jashtë ekipit kohëve të fundit.

Paçarada nuk u ftua për ndeshjet e nëntorit, por shpreson që nga viti tjetër t’i vijë ftesa nga Kosova.

Gjithashtu, një tjetër synim i Paçaradës është që sezonin tjetër të luajë në Bundesligë me St Paulin.

Ai i ka zhvilluar 43 ndeshje radhazi me ekipin gjerman dhe për këtë ndihet i lumtur.

“Ndihem mjaft mirë. Trupi po e bën këtë pa problem. Edhe gjunjët dhe ijët po shkojnë mjaft mirë”, përfundoi Paçarada.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat