Handanoviç portieri më i mirë këtë gjysmë sezoni

Futboll

Handanoviç portieri më i mirë këtë gjysmë sezoni

Më: 23 dhjetor 2021 Në ora: 18:12
Handanoviç portieri më i mirë këtë gjysmë sezoni

Inter ka bërë një paraqitje impresionuese këtë gjysmë sezoni. Pas largimit të Contes, Lukakut dhe Hakimit, zikaltërit menduan se ky sezon do t’i sillte vështirësi.

Drejtuesit i kërkuan Inzaghit që objektivat e Inter-it ishin të paktën vendi i katërt i kampionatit dhe kualifikimi nga grupet.

Inzaghi bashkë me ekipin ia arritën qëllimit duke kaluar grupet e Champions League dhe madje duke përfunduar si kampione dimri në Seria A. Inter ka një grup solid dhe të përgatitur për çdo ndeshje.

Barella dhe Calhanoglu u shpallën këtë fazë të parë si dy asistuesit më të mirë të gjysmë sezonit.

Por Handanoviç gjithashtu merr një “çmim” si portieri më i mirë për këtë fazë.

Portieri zikaltër, sipas “Opta”, është portieri me më shumë pritje. Handanoviç ka pritur 77,9 % të goditjeve të cilat kanë ardhur drejt tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat