Tre lojtarë të Barcelonës kanë kaluar koronavirusin, lajm që ka gëzuar trajnerin Xavi. Sergino Dest, Gavi dhe Alex Balde kanë rezultuar negativë në tamponët e fundit.
Klubi katalanas ka dhënë lajmin pozitiv me anë të një postimi në Twitter, me tre lojtarët që mund t’i bashkohen pjesës tjetër të skuadrës në seancat stërvitore.
Barcelona e filloi vitin 2022 me dy fitore jashtë fushe: 0-1 përballë Mallorca (La Liga) dhe 1-2 ndaj Linares (Kupa e Mbretit).
Skuadra e Xavit do të rikthehet në fushë nesër (8 janar). Sërish transfertë për Barcelonën, që do të tentojë pikët maksimale në fushën e Granadës.